Kontak Ons

Fonteinstraat 41
Wellington
7655 Suid Afrika

Epos:  admin@acvv.org.za

Tel.  021 873 1040

Faks 086 2485 580

ACVV BELEID OP PRIVAATHEID
ACVV BELEID OP PRIVAATHEID / ACVV PRIVACY POLICY

DIE DOEL VAN DIE VERSAMELING VAN PERSOONLIKE INLIGTING
  1. Ons versamel persoonlike inligting van ons gebruikers (klante), personeel, donateurs, en diensverskaffers om ons in staat te stel om ons werk te verrig en ons dienste te lewer. Dit word ook so in die ‘ACVV Beleid op Privaatheid’ verklaar, punt 5.1 bladsy 2.
  2. Die POPI-Wet vereis dat ons hierdie doel moet verklaar aan almal van wie ons persoonlike inligting versamel. (Persoonlike inligting wat versamel mag word, word in die ‘POPI-Handleiding’ in Tabel 5.3 (bladsye 14-15) aangedui.)
  3. Vir hierdie rede moet die ‘ACVV Beleid op Privaatheid’ op U eie ACVV webblad / ACVV aanlyn-media (soos byvoorbeeld, U ACVV Faceboek-blad), gepubliseer word.
  4. Voorts, moet die Beleid ook in gedrukte formaat op U perseel beskikbaar gestel word, sodat personeel en gebruikers daartoe toegang kan hê.
  5. U kan ook na die Beleid verwys wanneer U inligting versamel en aandui dat die ACVV privaatheid en die beskerming van persoonlike inligting ernstig opneem. Vir hierdie doel kan die volgende verwysing in die vorms waar persoonlike inligting versamel word, geplaas word: “Persoonlike inligting word versamel volgens die ‘ACVV Beleid op Privaatheid’ en stel ons in staat om ons werk te doen en dienste aan U te lewer.”
TOESTEMMING TOT DIE VERSAMELING VAN PERSOONLIKE INLIGTING
  1. Volgens die POPI-Wet, moet U toestemming vra om persoonlike inligting te versamel en te berg.
  2. U aansoekvorm moet dus ‘n beskrywing bevat wat aandui: “Hiermee verleen ek toestemming aan die ACVV om my persoonlike inligting te versamel en te berg.”
TOESTEMMING TOT DIE BEKENDMAKING VAN PERSOONLIKE INLIGTING AAN ‘N DERDE PARTY
  1. Ten einde enige persoonlike inligting aan ‘n derde party bekend te maak, moet die persoon (werknemer, gebruiker, verskaffer, ens.), toestemming hiertoe verleen.
  2. Vir hierdie doel word kan U die meegaande toestemmingsvorm (VORM T-01) gebruik. Pas gerus die vorm aan soos benodig. Alle partye moet die vorm onderteken voordat persoonlike inligting aan ‘n derde party bekend gemaak kan word.
TOESTEMMING TOT GEBRUIK VAN ITEMS (FOTO’s, VERHALE, GEDIGTE, ENS.)
  1. Wanneer ‘n item vir sosiale media, nuusbriewe, plakkate of enige ander publieke publikasie gebruik word, moet die persoon aan wie die item behoort toestemming verleen tot die gebruik van die item.
  2. Voorts moet die persoon wat in die verhaal of op die foto verskyn, ook toestemming verleen. Vir hierdie doeleindes word daar na hierdie persoon as die “Model” verwys.
  3. Vind asseblief die meegaande drie vorms wat volgens die behoefte voltooi moet word:
    1. VORM A: Die toestemming wat die eienaar van die item verleen.
    2. VORM B: Die toestemming wat die persoon wat op die foto/in die storie is, verleen.
    3. VORM C: Die toestemming wat die ouers van ‘n minderjarige kind gee indien ‘n minderjarige kind in die item (foto, verhaal, nuusberig, ens.) verskyn.
Ter afsluiting, haal ek aan vanuit die ‘ACVV Beleid op Privaatheid’ (punt 2, bladsy 1) en moedig U aan om die Beleid te bestudeer aangesien dit die grondlegging is vir die toepassing van die POPI-Wet:
“Ons respekteer privaatheid en neem die beskerming van persoonlike inligting baie ernstig op. Die doel van hierdie beleid is om te beskryf hoe ons inligting wat met ‘n spesifieke natuurlike of regspersoon assosieer kan word en gebruik kan word om daardie persoon te identifiseer, inwin, berg, gebruik en beskerm (“persoonlike inligting”).”

                             

Waar Om Ons Te Vind

Aansoekvorm

aansoekboek_2022.pdf
File Size: 1386 kb
File Type: pdf
Download File

Tuis | Afdelings | Dienste | Algemeen | Aktiwiteite | Foto's | Kontak Ons